Bym don bor ki Rangbah Shnong, ai sertiphiket hi u MLA

Shillong, 10 Jylliew:
Namar ba ki Rang bah shnong kim don bor ban ai sertiphiket jaka shong jaka sah ia ki nongshong shnong, u MLA ka Mawphlang u bah Kennedy Khyriem u la ai sertiphiket dalade hi ia ki paidbah ba donkam ban pynshisha ba ki dei na ka konstitwensi jong u. “Ka kam ai sertiphiket ka dei tang ban pynshisha ia ka jaka shong jaka sah jong ki” ong u bah Ken nedy Khyriem uba dei ruh u Parliamentary secretary ka tnad shangkai pyrthei haba kren sha ki katto katne ki nongthoh khubor.
U la phla ba bun ngut ki briew naduh ki khynnah skul bad kiwei pat ki la wan sha u ban pan sertiphiket na ka bynta ban pynshisha ba ki dei ki briew na ka shnong kaba hap ha ka konstitwensi jong u, u la ong ba ka jingbym lah ai sertiphiket ki Rangbah shnogn ka la ktah ia ka jingdonkam kaba bunbah jong ki paidbah, khamtam ki khynnah pule kiba donkam sertiphiket ban ioh rung klas.
U la ong ba bunbah ki la ioh jingmyntoi na katei ka jingai sertiphiket jong u “ Ia kitei ki sertiphiket la pdiang ruh da ki skul bad ki bank bapher bapher” ong biang u bah Kennedy uba la bynrap biang da kaba ong ba ka jingai sertiphiket da u nongmih khmat paidbah ka la iarap shibun ia ki briew ba kin ioh ia ki jingmyntoi kum ki skhim sorkar, ki kontraktor bad kiwei pat kiba dei ban ioh jingmyntoi.