Shillong: Hadien ka jingioh jingujor na ki paidbah ba ka jingwan trei ki bar jylla sha ka thaiñ upper Shillong bad Mylliem ka long ka bym ithuh ithaw shuh ki dei ki ba naei bad ka ba la pynher syrngiew ia ka iaid ka ieng jong ki trai shnong trai muluk, ka Khasi Students’ Union Upper Shillong Circle ha ka 26 tarik u Jymmang 2022 ka la khynra naphang sha ki jaka trei ba la pyntrei da ki katto katne ki contractors khasi, ha kane ka jingleit ban khynra kynsan ka seng ka la lap kumba Phraphew ngut eiei ki bar jylla ki ba shu wan trei beaiñ khlem kino kino ki syrnod ba tikna katkum ka kyndon Aiñ jong ka Sorkar Jylla kaba la tip kum ka Inter state migrant works Act 2012.
Ha kane ka jingkhynra la lap ruh ba don ki contractor kiba wan ialam trei da ki bar jylla ki bym pat kot ia ka rta kaba long pyrshah ia ka aiñ. Ha kajuh ka sngi ka seng ka la phah pynphai noh ia baroh ki nongtrei bar jylla sha ki jaka ba ki wan.
Ka seng ka dap da ka jingsngew lyngngoh ba katba ki samla khasi ki dang kyrduh kam, hynrei balei kine ki contractors pat ki la wan ialam pynban da kine ki bar jyllam kata ruh khlem da lah ban pynbiang ia ki kot ki sla shwa ba kin wan trei.
The secret invasion has started..ap sa 10 snem kane ka jylla Kan sa kylla Tripura..mKane ka dei.namar ngim don ki Nongmihkhmat shna Ain..Ngi don ki Nongmihkhmat shna pisa..Kiba sam pisa haka por election..Ha kine ki Nongmihkhmat ba mynta kan sa lut ki lum ki wah bad suki2 kumba bam kruin kan kylla dur.Lada u paidbah u dang khein ba ka election ka dei kum ka world Cup shisien 5 snem te ngi lah jot…U paidbah hi un mih khlur hadien ka Jing leh shongshit.