Shillong:Ka Hynniewtrep Youth Council Amlarem Unit ka dap da ka jingsngew lyngngoh halor ka jing bymbiang ka network mynta la kumba san bnai eiei katta naduh ka airtel ka jio bad kiwei de ki network hapoh ka thain hi baroh kawei bad khamtam iaka shnong Amlarem ka ba dei ruh ka sub-division kaba donkam bha ha ki liang baroh lyngba ka network, shuh shuh ruh ka seng ruh ka dawa ba lada ki company jong kine ki network kim lah ban pynbiang ia ki jingdawa nangne sha khmat ka seng hi kam banse ban pyni da ki kam namar kane ka ktah ia ka jingtrei jingktah ki kam ki jam bad ka bai recharge u paitbah, khlem ioh pat ban pyndon kam thikna.
Katei ka la buh, ia ka jingduhnong ka dei ka jong u paitbah katba ki company pat ki ioh nong ialade la long thik kumba tuh ia ki pisa bad ka por khlem suidniew shuh ia ki briew jong ka thain Amlarem hi baroh kawei bad khamtam ha kum kine ki por tlang mynta ba bun ki jingdonkam bad ka seng ka kyntu ruh ia ki nongmih khmat ki dei ban leh eiei halor kane ka bynta khnang ba ki briew ka thain kin ioh ban pyndonkam ha ki liang baroh katkum ka ne ka juk ba mynta bad ka seng ruh ka maham ba lada don eiei sha lyndet ka jingpynduh network ki company, ki dei ban ai da ka ka jingpyntip paitbah, khnang ba ki briew ka thain kin sngewthuh shai kdar halor kane,hynrei te ka bym lah ban pdiang ban shu pynduh network kulmar khlem ka jingtip u ba bun ba lang.
Phi don ban ong eiei?