Bym biang ka ilektrik, thiah ha jingdum ha Pdengshakap

Amlarem, 30 Jymmang:
Ha ka jingleit jurip jong ka KSU War Circle ia ka P.H.C kaba don ha Shnong Pdengshakap kaba hap hapoh jong ka Amlarem Sub-Division. Ka KSU War Jaintia Circle ka ka la lap ba la i sangsot shisha ban iohi ia ki nongthiah pang hapoh kane ka P.H.C namar khlem don ding ilektrik, shuh mynta la kumba ar bnai ei ei.
Bad ynda ka Seng ka la wad jingtip na ki trai shnong ki ioh jingtip na ki ba dei na ka daw jong ka jingduh noh ia u Transformer hapoh kane ka shnong.Bad kaba pynlyngngoh ruh ia kane ka Seng ba balei na ka liang jong ka MeECL ka khlem leit buh bujli da u wei pat ha ka jaka jong u to u ba la duh bad da kaba ong ruh kane ka la paw shai ba dei ka jing bymsuidniew jong ka MeECL ba ki nongthiah pang hapoh kane ka P.H.C haduh katta katta .
Te na ka liang jong ka Seng KSU War Circle ka la pynrem jur halor kine ki jingleh jong ki kiba dei peit ia kane ka bynta bad haba ka light ka sniew ymdon ba bna ban pynbiang bad ia ka Bill light jong ki paidbah ki hap pynpoi beit man la u bnai .Bad ha kajuh na ka liang ka Seng ka la dawa ba dei ban maramot noh mar mar narmarba mynta ka dei ka por exam jong baroh ki khynnah skul bad sa kawei kumno ki nongthiah pang jong kane ka thain kin hap ban thiah ha ka jingdum.Bad ka la dawa ia ka MeECL ba leh kloi mar mar ban maramot lymda kumta ka Seng kan hap iaid sha khmat na ka bynta jong ka jingeh jong ki paidbah pynkut ka kyrwoh na u General Secretary ka Seng u Ma A.B Pamksang.