Shillong: Hadien ba na ka liang u CEM ka KHADC u bah Titosstarwell Chyne u la pynbna ba ka Council kan ai jingiarap ia ki Quarantine Centre, la lap ba ka Constituuency kaba bun ki jaka leh Quarantine ka dei ka shnong Mawlai ha kaba ka don haduh 21 tylli ki quarantine Center, katba ka shnong Mylliem ka don tang kawei ka jaka leh Quarantine.
U bah Titostarwell u la iathuh ba na ka liang ki MDC jong ki Constituency bapher bapher, ki la wan ban ai jingkhein ia ka jingdon kine ki Quarantine center ha kaba baroh ki don haduh 1121 tylli ki Quarantine Center ha ka ba na ka liang ka KHADC kan ai 1000 tyngka marwei briew.
U la iathuh ruh ba kane ka pisa kin ai ha ki dorbar shnong khnang ba kin lah ban pyndon kam ha ki jingdonkam, jong ki nongiarap ne kiba leh quarantine ha kine ki jaka.
Phi don ban ong eiei?