Bun tam ka Ribhoi, na ka liang kiba ioh pang covid mynta ka sngi

Shillong: Kiba pang covid mynta ka sngi, ki la kiew sha ka 577ngut, na kaba long 352 ngut hynnin ka sngi.

Kiba jem na katei ka jingpang, ki la nang hiar, da kaba ki don 250ngut, na kaba long 392ngut hynnin ka sngi bad kiba iap, mynta ka sngi, ki long 6ngut, katba hynnin ki don 7ngut.

Kiba dang don ha ka jingpang, ki long 4,537ngut haduh mynta ka sngi bad baroh kiba iap, ki la poi sha ka 844ngut.

Ka East Khasi hills, ka don 157ngut kiba ioh pang thymmai, nangta ka Ribhoi District, ka kiew sha ka 260ngut, ha kaba la tam bun bah ia ka East Khasi hills.