Ki bor pyniaid jong kiba bun ki temple ha Vrindaban jong ka Uttar Pradesh bad ka Mathura, ki la rai ba kin nym pat plie ia ki jing lehniam jongki, kaba sdang naduh mynta ka Lah sngi U Blei.
Kitei ki temple, ki kynthup ia ka Iskcon, Banke Bihari, Mukut Mukharvind bad ka Shri Rang Nath Ji, ki la rai ban khang shwa mynta ka sngi bad kawei na ki daw, ka long namar ba ka sorkar Jylla, ka la bthah ba kito kiba leit, ki dei ban da sait kti shwa, da ka dawai kaba la khleh da ka kyiad, ong ka khubor jong ka Times of India.
U Ganesh Pehalwan, na ka Mukut Mukharvind kaba don ha Govardhan, u iathuh ba ki bor pyniaid ka temple, ki la rai ban khang shwa ia ka temple, namar ba kim iahap ban pyndonkam ia ka jing sait kti, kaba la khleh da ka kyiad, hynrei la shu ailad ia ki riewngeit ba kin lehniam lyngba ki LED Screen, kiba don ha phyllaw jong ka temple.
Ka sorkar Uttar Pradesh, ka la dep pynbna ban plie ia ki jaka lehniam, kaba sdang naduh mynta ka sngi, ka 8tarik Jylliew 2020 lem bad ki kyndon kiba hikai ban ia jngai para briew, haba leit rung ha ki jaka lehniam.
Phi don ban ong eiei?