New Delhi: Ka Israel, ka donkam jur ia ki nongtrei bylla, ha katei ka Ri bad ka tyrwa, ia ka bainong kaba T.1.34lak shibnai ia kiba kwah bad kiba shah jied ban leit sha katei ka Ri.
Ki don bun bah ki samla kiba dang khie dang san, kiba na Haryana, Uttar Pradesh, Punjab bad Rajasthan, kiba la leit ban pynrung kyrteng ialade ha Rohtak, ha kaba ki don ki briew jong ka Israel, kiba leit ban jied ia kitei ki nongbylla.
Ia mynta ka Israel, ka donkam ia 10hajar ngut ki nongtrei bylla bad ka daw, ka long, ba ka duna palat ki nongbylla, khamtam ha kiba kum kine ki sngi, ba ka don ha ka jingialehthma pyrshah ia ki Hamas.
Ka sorkar India, ka la ia mynjur bad ka Israel, ban phah ia ki nongbylla sha katei ka Ri bad dei na katei ka daw, ba la pynlong ia katei ka jingpynrung kyrteng ha Rhtak, ha kaba ki don bun bah, kiba na Punjab, Uttar Pradesh, bad Rajasthan bad kiba na Haryana ruh. Kiba bun na kitei ki samla, kiba leit pynrung kyrteng ialade, ki kren diaw shibun, halor ka jingkyrduh kam ha India, ha kine ki sngi bad nangta, sa ka jingtyrwa ia ka tulop heh Israel bad dei na katei ka daw, ba kim tieng satia, wat haba katei ka Ri, ka don ha ka jingialehthma ha kine ki sngi. Mynta ka jingjied ia ki nongtrei, ka dang iaid shakhmat ha Rohtak bad kin don kiba shah jied ban trei iing trei surok bad kiwei, don ki ban shah jied ban ai rong iing bad ban trei ha ki jaka rep ruh.
Ka Builders Association jong ka Israel, ka iathuh, ba ia mynta, yn jied shwa tang 10 hajar ngut, hynrei katei kan lah ban kiew sha ka 30 hajar ngut ruh.
nga ruh kwah leit palat lada plie ka lad nga lah thait ka ñiah taxi lada ka state government of meghalaya ka plie ka lad ia ngi ki nong meghalaya namar hangne ruh bun ki bym da biangkam biangjam.