Bun ki riew ialeh ka Bangladesh kiba khlad ha Meghalaya

Shillong, 29 K’lyngkot:
Ka sorkar Bangladesh ka la kwah ban pynphai ia ki jingkynsah kynmaw jong ki riew ialeh katei ka ri kiba iap bad tep ha Meghalaya.
U High Commissioner ka Bangladesh sha India u Tariq A Karim u la ong ba don shibun ki riew khraw ka Bangladesh kiba khlad ha ka por ba ialeh laitluid kiba iap bad tep ha jylla Meghalaya. U la ong ba ka jinglong jingman kam shah ba ka sorkar Bangladesh ba kan shim ia ki bad ia mynta, ka sorkar Bangladesh ka dang thaw ia ki lad ki lynti halor kane ka jingthmu.
U Karim u la iathuh ba ka sorkar Bangladesh ka kwah ban shim biang ia kine sha la ka ri bad ka don ruh kiba ithuh bad don kiba dang pynshisha dang wad bniah. Ka sorkar ka kwah ban aiti sha kiba haiing hasem jongki.
U la iathuh ba kane ka jingthmu yn sa wad ia ki lad ki lynti ha kaba yn thaw ia ki maw sahnam ban long kum ki jaka jngohkai pyrthei.
Ka Bangladesh ka la ai jingmut ia ka sorkar India ban tih biang ia ki met iap jong ki riew ialeh kiba khlad ha ka jingialeh laitluid ha u snem 1971.