Nongpoh:Mynhynnin ka sngi ki nongialam ka Federation of Khasi Jaintia & Garo People FKJGP Pahamsyiem Unit, ki la leit ban khynra Labour License na ki nongtrei nabar jylla kiba la wan bad trei bylla ha Paham syiem, Nongpoh bad ha katei ka jingleit khynra jongki, la lap ba ki don shibun ki nongtrei nabar kim don ia ka Labour License ne ki kot ki sla ba ki nongtrei nabar ba ki dei ban pynbiang haba ki wan ban bylla hapoh ka jylla.
Haba iadei bad katei ka jingleit ban khynra Labour License na ki nongtrei bar jylla. U samla Banbuddien Suting, President ka FKJGP Pahamsyiem Unit bad uba la long kum u nongialam ha katei ka sngi, ula ong ba ki la don shibun ki nongtrei beain kiba la wan ban trei bylla ha katei ka shnong kim don ia ki kot ki sla kiba biang bad kiba iaid lyngba ki kyndon ain hapoh ka jylla.
Ka jingkren na kitei nogialam ka FKJGP ka long ba ki la ai por shi taiew ia kitei ki bar jylla ba ki dei ban pynbiang ia ki kot ki sla bad lada kitei ki bar jylla kim lah ban pynbiang, kaba mut ba ka seng kan sa shim da kiwei pat ki sien jam kiba kham tyngeh.
aipor shi aipor… samrhykhie ban piet kane ka entertainment khynra licence…Ka failed state te lah dei kane ka jylla…Um ju iohi hapoh Mizoram, Arunachal, Nagaland ban aipor Lada lap khlem kot sla ia kiba pynkhein Ain ki bar jylla……dei ban pynhiar kyrdan noh sha ka union territory iska Meghalaya ba um lah synshar ka sorkar.