Shillong: Ki don bun ngut ki MLA ki bym lah ban pynjop ia ki kyrtong MDC jong ki mynta ka kynti, kitei ki kynthup ia u bah Process T Sawkmie u MLA ka Congress na Mawlai um shym la lah ban pynjop ia u kyrtong jong katei ka seng u bah Marbud Dkhar. U bah Mohendro Rapsang MLA ka West Shillong um shym la lah ban pynjop ia u bah Auguster Jyrwa na Jaiaw, u bah Adelbert Nongrum MLA ka North Shillong um shym la lah ban pynjop ia ki kyrtong ka KHNAM na Jaiaw bad Mawkhar -Pynthor. U bah Banteidor Lyngdoh (bah Paidang) um shym la lah ban pynjop ia ka kyrtong ka PDF na Mawkynrew kaba dei ka lok jong u ka kong Amanda Pakynteiñ, u bah Hamlet Dohling um shym la lah ban pynjop ia ka kong Teilinia Thangkhiew na Mylliem konstitwensi.
U bah Prestone Tynsong um shym la lah ban pynjop ia u bah Holiwell Khongstid na Nongshken bad u bah Jansing Tynsong na Lyngkyrdem-Laitkroh, u bah Renikton Lyngdoh Tongkhar um shym la lah ban pynjop ia u bah Nolip na Mawkyrwat, u bah Macmillan Byrsat um shym la lah ban pynjop ia u kyrtong NPP na Nongstoin, u bah Dasakhiat Lamare um shym la lah ban pynjop ia u kyrtong NPP na Mawhati, u bah Sanbor Shullai um shym la lah ban pynjop ia u bah Ricky Shullai na Laban-Mawprem, u bah Charles Pyngrope um shym la lah ban pynjop ia u kyrtong Congress na Nongthymmai,u bah David Nongrum um shym la lah ban pynjop ia u kyrtong Congress na Sohryngkham kumjuh u bah Himalaya Shangpliang um shym la lah ban pynjop ia u kyrtong Congress na Mawsynram bad u bah Gavin Mylliem um shym la lah ban pynjop ia u kyrtong PDF na Sohra. U bah Metbah Lyngdoh bad u bah S.K Sun ruh ki khlem lah ban pynjop ia ki kyrtong jong ki.
Hynrei la iohi pat ba don ki MLA kiba la leh bha bad ki la lah ban pynjop ia ki kyrtong ba ki pynieng , u Dr.Donkupar Roy u la pynjop baroh 2 tylli na Sohra bad Shella konstitwensi, u bah Kimfa Marbaniang u la pynjop ia u kyrtong Congress na Rambrai, ka kong Ampareen Lyngdoh ka la pynjop ia u lok jong ka na Malki-Laitumkhrah, u bah Jason Sawkmie Mawlong u la lah ban pynjop ia ka hynmen jong u na Umsning, u MLA ka Nongpoh, Umroi, Jirang ki la pynjop ia ki kyrtong jong ki. U bah Samlin Malngiang u la lah ban pynjop ia u kyrtong jong u na Sohiong kumjuh u bah Pius Marweiñ u la lah ban pynjop ia u kyrtong ka UDP na Langrin bad u bah Brolding Nongsiej u la lah ban pynjop ia u kyrtong ka UDP na Mawthadraishan u bah Jambor War.
Na kitei haneng la iohi ba dei tang u bah Samlin Malngiang na ki myntri sorkar uba lah ban pynjop ia u kyrtong jong ki, la iohi kiwei pat ki myntri sorkar kiba kynthup ia u bah Prestone Tynsong, bah Metbah Lyngdoh, bah Banteidor Lyngdoh, bah Hamlet Dohling kim shym la lah ban pynjop ia ki kyrtong jong ki. Ha kane ka elekshon MDC mynta ki la don 2 ngut ki MLA ba mynta kiba la ia khun ia ka elekshon bad kitei ki la jop bad mynta ki bat ar kam MLA bad MDC. Kitei ki 2 ngut ki long u bah Lambor Malngiang na Nongkrem konstitwensi bad u bah Gigur Myrthong na Mawshynrut konstitwensi.
U MLA Jong ka umroi ruh u khlem lah ban pynjop ia u kyrtong MDC Jong u. Sngewbha pynbeit is ka jingbakla Jong phi ban ai khubor
Namar ka jinglehbha jong u ba ngi sa kyrshan ia i bah Gigur Myrthong
Ka jinglah bad jingbymlah ban pynjop ia ki kyrtong lajong namar ba bun ki Polling ki iapher na ka MLA election