Shillong:U MDC jong ka liang pyrshah, u bah Bajop Pyngrope u la ong ba wat la ka council ka pynlut T.18 lak ban siew ia ki 4 ngut ki nongtrei ban peit bad ri ia ki dohkha, hynrei ka council kam lah ban pynmih eiei na kane ka pung kaba don ha Lailad Ri Bhoi District kumta ka jingdon jong kane ka pungri dohkha ka dei tang ka jingpynlut phut ia ka Council.
U bah Pyng rope,u la wan rah ia ka jingkylli halor ka jingpynlut bad ka jingmih na kane ka pung ri dohkha jong ka KHADC, kaba don ha Lailad Ri Bhoi District hapoh ka ingdorbar.
Na ka liang jong u EM ba dei peit ia ki kam ri dohkha jong ka KHADC u bah Mitchel Wankhar, u la jubab ba ha u snem 2007-2008 ka jingmih ka long T.2000/- tyngka bad ha u snem 2018-2019 ka jingmih ka long T.7,500/-, katba ha u snem 2018 la dep ban pynlut haduh T.25 lak ban pynbha ia kane ka pungri dohkha jong ka KHADC.
U la iathuh ruh ba ka jingmih duna ka bai dohkha ka long ba dei ki MDC hi kiba leit ban khwai ia ki dohkha, ha kaba hadien ka jingleit jurip jong u EM kane ka tnad, na ka liang ka ophis ka la pynmih ia ka hukum ban ym shah shuh iano iano ruh ban khwai.
Haba jubab, ia kawei pat ka jingkylli bynrap ha kaba ia dei bad ki nongtrei kiba don ha katei ka jaka ba don ki pung, na ka liang jong u EM ba dei peit, u la ong ba ka dei ka jingshisha ba ki don ki nongtrei, hynrei haba ka duna ka jingmang pisa ban ai bam ki dohkha ki duna thew.
Na ka liang jong u MDC ka Mawhati, u Bah Charles Marngar, u la ong ba lada kam don jingmyntoi dei ban pynduh noh ia kine ki pung dohkha namar ka ktah ia ka mang tyngka KHADC. Na ka liang jong u bah R V Lyngdoh u la ong ba dei ban peit bad pynthymmai ia ka jingtrei kam kane ka tnad.
Kane ka pynpaw tyngkreiñ ia ka Jing kwah bam sap bah shmna khnang ia kine ki pung dohkha. U EM u dei ruh u supplier dohkha tip ulah die hi ma u ia ki dohkha kynnoh pat ba khawai ki MDC. Kum u EM udei ban kit khlieh iaka jinglutksan khlem jingmyntoi ka council. Kane ka paw pyrshah ruh ba ki briew ka NPP naduh ka sorkar haduh ki council kidei ki ba bamsap matlab.