Shillong: Ha ka jing iakynduh jong u nongthoh khubor bad ki nongotdoh masi ha Iewduh myn hynnin ka sngi, ki la pynpaw ia ka jingduh mynsiem, namar ba ki masi ba ki donkam ban thied ban pyndap iaka jingdonkam u paitbah, katba nang mih ki sngi la nangshitom ban ioh.
Ki la pynpaw ruh ba ka dor kaba ki iadie mynta ka dei 300 tyngka shi kilo ha kaba kane ka dor ka dei na duh 2snem naduh ba la pynkiew na ka dor 280tyngka shi kilo.
Ki la iathuh ruh ba ka daw jong ka jing kyrduh ban ioh pahuh ia ki masi ka lah ban long namar ka jing shalan tuh sha Bangladesh.Namar katkum ka jingtip jongki, kham bun ki masi ba leit die be ain sha Bangladesh ban ia kaba die hangne ha ka Ri lajong.Haba la kylli ba la ka dor ka tam haduh katno hangne ha jaka lajong bad kaba ki ioh ban leit die sha bar,ki la iathuh antad ba lehse ki nongdie ki lah ban die palat ban ia ka mar shiteng ruh.
Haba la kylli pat la ki la leit ban ot doh ha Mawiong ha ka jaka ba ka sorkar ka la shna ne em bad halor katei ki la iathuh ba don kiba la leit ot sha Mawiong, don ruh kiba ot sha ki jaka ba la shna lajong kum sha Phudmawri,sha Laimer, sha Umpling bad shawei shawei de, namar ki kham jan.Haba la kylli la katno tylli lah ban bam doh ha ka thain jongngi shi sngi shisngi,la iathuh ba antad kan ym duna ia ka 400 haduh 500 tylli eiei.
Phi don ban ong eiei?