Bun ki klass 5, klass 12, kiba long MLA ha Assam

Guwahati:Ha Assam, ki don 37 percent ki MLA, kiba ka kyrdan pule jongki, ka long ym palat ia ka klas 12. Katei ka dei ka jinglap ong Association for Democratic Reforms (ADR) Assam, haba ka peit bniah ia ka kyrdan pule jongki 126 ngut ki MLA jong ka Jylla.

Katei ka kaiphod jong ka ADR, kaba la pynmih mynta ka sngi, ka kam ba ki don 44 ngut ki MLA lane 37 percent, kiba pyni ba ki dei hapdeng ka Class 5 haduh ka Class 12 bad 74 ngut lane 62 percent, ki dei kiba la pyndep graduate ne kham shajrong bad u don uwei U MLA, uba dei uba la pyndep ia ka kyrdan diploma.

U MLA jong ka seng Congress na Badarpur constituency, U Jamal Uddin Ahmed, u don ia ka kyrdan kaba rit duh, ha kaba u dang pule ia ka klass 5. U Aziz Ahmed Khan, na ka All India United Democratic Front (AIUDF) MLA na Karimganj, South Constituency bad U Nizam Uddin Choudhury, AIUDF MLA na Algapur constituency ki la pyndep ia ka klas 8.
Ka seng AIUDF, ka don bun eh ki MLA, kiba ka kyrdan pule jongki, ka long haduh ka klass kaba 12 bad katei ka long ba 43 percent ki MLA ka AIUDF, lane 6 ngut na kiba don 14 ngut, 41 percent ki MLA ka BJP, lane 24 ngut na ka 59 ngut, nangta 35 perent ki MLA ka seng Congress lane 7 na ka 20ngut, 33 percent na ka Bodoland Peoples’ Front (BPF) lane 4 na ka 12 ngut bad 15% jong ka seng Asom Gana Parishad (AGP) lane 2 ngut na ka 13 ngut, kiba pule hapdeng ki klas ba 5 haduh 12.

U Himanta Biswa Sarma myntri ka sorkar BJP bad U Rafiqul Islam na ka seng AIUDF, ki dei ar ngut kiba ioh kyrdan Doctorate bad U Sarbananda Sonowal, u dei uba bat ia ka kyrdan graduate ha ka Law.