Bun ki khynnah SSLC, ki ia ud bha ia ka Subject Social Sciences

Babu Kular Khongjirem

Ka Examin Matric(class-X) ne SSLC ka la poi sha kaba kut naduh noh mynta ka sngi,ka 6th April 2022 bad ka Result pat la khmih lynti ba kan mih(out) haduh u bnai June 2022 ei ei kumba ju long man u snem.Kiba bun ki jingkylli ia ki subject bapher bapher ba ki khynnah ki la dep ialeh(appeared/attempt) kim da iapher than na ka rukom set jingkylli ka MBOSE man la u snem lait noh tang ka subject Social Sciences ba ki khynnah ki ia ong ba ka MBOSE ka set jingkylli khyllah bak-ly-bak na kaba ju set man la u snem.

Ka jingia ud ki khynnah ba ialeh ia kane ka Exam SSLC ka la jia ym tang ha kawei ne ar-tylli ki skul hynrei kylleng sawdong ka state Meghalaya hi baroh kawei la kidei ki skul kiba don ha sor(urban areas) ne ki skul kiba don ha nongkyndong(rural areas) ruh kumjuh solonsar. Katkum ka jingiathuh jong ki khynnah kiba ialeh ia kane ka SSLC Exam, ka subject Social Sciences(SS) ka dei ha kane ka lah sngi u Blei(Monday,04-04-2022)ba dang shu dep.Ki la iathuh ba ka MBOSE ym tang ba ka pynkylla bad pynphylla ia ki rukom set jingkylli hynrei ka la ka set pynkyllain jylbi(complicated/twisted) bha ia ki jingkylli man la ki lynnong,la ka dei ka subject History, ka Civic,ka Geography bad Economics.Ka MBOSE kam kwah satia ia ki khynnah ba kin ioh heh mark(score more mark) ia ka social Sciences hynrei ka leh khnang pynban ban pynduh mynsiem ia ki khynnah(candidates) khamtam ba kim ioh jingbatai thikna na ki nonghikai bym long skul tikna na ka daw jong ka jingkhang dam(lockdown)ha ki snem ba la dep(2021) ba ka la don ka jingpang khlam(Covid-19 ne corona/pandemic).Ym tang ba ki set kyllain ia ki jingkylli,hynrei la iathuh ruh da ki khynnah ba ki jingkylli(question papers) ba ki set,ki don tang khyndiat eh kiba ia dei ne kiba ia hap katkum na ki jingkylli kiba don ha ka text book ba ki pule na man la ki lynnong.

Don ruh ki khynnah kiba la iathuh ba ki la lah bha bad pynkhreh bha ruh ia baroh ki jingkylli katkum ka text book ne kot pule jongki bad lada ki ngat katkum ki jingkylli na ka kot pule kin ioh 1st Division ne Distinction ha katei ka subject.Phewse, baroh ki jingkylli ba ki la khreh shitom na ki copy ne ki notes jongki baroh shi snem ki lait lut plain kumba la khmih lynti.Ki ong,hana,lada long ha kane ka rukom, ym don jingmyntoi ban pule shitom ne bud note ha ki copy namar lehnoh ei ka por,ka bor bad ka pisa baroh shisnem lynter.Ki jingkylli ki set na ki chapter katba ki mon,kim pyrkhat shuh ia ki khynnah kiba shu pdeng(average students) ne ki khynnah kiba kham duna(below average).Ka MBOSE ka kwah beit tang ia kiba stad tam(gifted/talented students).Nalor kata,u nong set jingkylli u pyrkhat ba kidei ki khynnah ha ka kyrdancollege ne Unuversity(at college/post graduate level) khlem pyrkhat ba ki dei tang ki khynnah skul klass-X( class -X level).Kum kine ki khynnah kiba stad palat kin don eh tang 5 ne 10 percent ha man la ki klass. Lada kane ka jingiathuh jong ki khynnah ka dei kaba shisha,ka MBOSE ka dei ban pyrkhat khia(consider) ia katei ka subject Social Scuences mynta u snem ioh kin kylla langknia ei ki khynnah matric kha ma kha mynta u snem ia katei ka subject.Ka MBOSE ka dei ruh ban ai jingbthah lypa(instructions/directions) ryngkat ki kyndon(guidelines) sha baroh ki skul ba ki nonghikai kiba hikai ia ka subject Social Sciences kim dei shuh ban phah leh ia ki jingkylli na ka kot pule(text book) jongki na man la ki lynnong hynrei kan ai lad noh ia ki nonghikai ba kin thaw hi(frame) ia ki jingkylli katkum ka jingstad jongki ban thaw jingkylli na man la ki lynnong ba ki leh kumba ki leh ia ka subject Khasi.Ki nonghikai bapli lada kim leh ia kito ki jingkylli na ka text book ruh,ki sngew sah pap ioh ki dei ne ngat ha ka exam SSLC.Lada ki leh pat ruh,kan shu long lehnoh ei ne bijai ei ka por, ka bor, namar ka MBOSE kan nym treh set satia ia kito ki jingkylli ha ka Exam final(SSLC) ba ki ialeh.Kane kan buh jingeh shibun eh bad pynkulmar jingmut ym tang ia ki khynnah klass X, ki nonghikai,ki bor pyniaid skul hynrei wat ia ki kmie ki kpa jong ki khynnah ruh kumjuh.Kumno ki khynnah ki sngew halor kane? Hato,kim duh mynsiem bad ktah ia ka bor jingmut jingpyrkhat jongki ba kin ialeh ia ki subject ba dang sah? Hato,ki kmie ki kpa jong ki khynnah kiba la nang la stad(well educated parents)ki sngewhun(satisfy) halor kane?Kin ieh ia ki khun jongki katba jia?Hato, kin hun ba ki khun jongki kin ioh duna marks ei na kane ka subject mynta u snem na kum kata ka jingleh stad ka MBOSE? Kin shu sngap jar(keep silent) khlem da ia pynpaw satia sha ki bor pyniaid ba dei peit ia ka Exam(Education/MBOSE authority).Lada ka dei ka jingshisha,ki dei ban khyndit jingmut(awake) kloi lan hapoh ine i por ba lyngkot eh ioh lap ba dier noh ka por ym lah leh ei ei shuh.