Bun ki jingduna ha Lumshnong PHC

Jowai, 14 Nailur:
Ki nongialam ka KSU Narpuh Circle hapoh ka jingialam  u Samla P.Mukhim kum u Pre sident bad Samla S.Pynkhlong kum u General Secretary mynta ka sngi ki la leit ban ia kynduh iaka DM&HO, East Jaintia Hills District, ha ophis treikam jong ka ha Khliehriat haka jingiadei bad ki jingduna hapoh ka Lumshnong PHC. Ka seng kala lap ba ki don bun ki jing duna bad kala kyrpad jur iaka DM&HO ba kan sngewbha ban pynbiang iaki jingdonkam jong kane ka PHC  naka bynta ban pynsuk iaki paid nongshong shnong jong kane ka thain. Kumba ngi tip baroh ba kane ka PHC ka don tang u wei u Doctor u ba shakri bad kumba 14 tylli eiei ki shnong ym d nonguna iaka 18 haduh 20 hajar ngut ki nongshong shnong bad kumba 30 haduh 35 ngut ki nongpang ki wan man ka sngi. Nalor ka peit nongpang un hap ban leit sha ki miting ne Training ba man ka por bad kane ka buh jingeh iaki paitbah kiba wan shim dawai ne jingiarap manla ka sngi.
Kumta ka seng kala kyrpad jur iaka officer ba don burom ban pynbiang kat ba lah kloi iaki jing donkam ba ha khmat eh kata ban pynioh sa u wei u Doctor, UDA, Receptionist, Staff Quarters, Ice Line Refrigerator, Radiant Warmer naka bynta ki khunlung ba dang kha, Vidal test machine, ki DG set ne ban phah kynriah noh ia u barrel (D.O) naka jaka ba u don mynta kham shaneng khnang ban lait naka jingduh light khah khah hapoh bad kiwei de ki jingdonkam hapoh kane ka PHC.
Kumba long mynta ki nongshong shnong kiba hap hapoh kane ka PHC lada jia ba kham jur ka jingpang kin hap ban mareh shaduh Jowai ne Shillong ne Silchar kaba jngai kumba 65KM ne 125 KM ka jing jngai. Ngim lah ban len baka jingdon jong kane ka PHC ha Lumshnong ka ai shibun ki jingiarap. Ka seng ka ai ka jingiaroh ia une u Doctor ba mynta uba trei met bad mynsiem naka bynta ka jingbit jingbiang jong ki nongshong shnong kane ka thain. Kham tam ha kine bnai bad taiew bala leit ka don ka jingjur jong ki jingpang ha shnong Lum Myrli. Bad ka kitbok kit rwiang ruh ia u bad ki nongtrei jong kane ka PHC Lumshnong ban im sngi haki kam shakri naka bynta u duk u rangli kumba ong ka ktien ka jingshakri ia u para briew dei ka jingshakri ia u Blei.