Ka rukom khap tmain jong u shipai suin jong ka India, U Abhinandan Varthaman, ka la khring ia bun bah kiwei pat ki shynrang ruh, ha kaba ki la pynbud lem ia ka rukom khap tmain jong utei u shipai suin ka India.
U Abhinandan, ula shah kem ha ki shipai Pakistan, haba u hap na ka liengsuin iapom jongu bad ula wan phai noh sha India, ha ka Sngi Thohdieng ba ladep bad u paidlang ka India, ula iohi ia ka rukom khap tmain jongu bad kumta, ki la pynbud lem ia katei ka rukom khap tmain jong U Varthaman ha kine ki sngi sha kylleng ka Ri India.
Katei ka rukom khap tmain, kaba lehse lah ban shim ba ka dei ha ka dur jong ka suloi lane kaba dei ka rukom long jong u tmain jong u blang, la tip ha kine ki sngi, da ka kyrteng Abhinandan bad katei ka rukom khap, ka iaid bha ha kiba bun ki shynrang ha ki bynta jong ka India.
Phi don ban ong eiei?