Shillong: Ka Hyniewtrep Youth Council War Jaiñtia Circle hadien ka jingpynbna ka CoMSO ban pynlong da ka jingiakhih da kaba khynra kot khynra sla ia ki bar jylla, kumta ka seng naduh 12 tarik mynta u bnai ka la sdang ban talasi iaki briew kiba wan na bar ka jylla.
Ha ka sngi ba ka seng ka khynra nyngkong la ioh bat ia kawei ka kali pickup kaba wan na Silchar sha Dawki ryngkat bad ki bar jylla kiba dei ki bymbiang kot bym biang sla. Kumta ka seng ka la leit buh ia ki sha Police Station Dawki. Ha ka sngi kaba ar la bteng biang ia ka jingkhynra ryngkat bad ka jingiatrei lang bad ki bor Pulit.
Nangta hadien ba la pynjur ia ka jingiai khynra, ka Hyc War Jaiñtia mynta ka sngi, hapoh ka jingialam u Publicity Secretary u Samla Riki Mukhim la ioh ban bat daki phew phew ngut ki khar Bangladesh kiba wan ban bylla nongsngi bad khaii dohkha ha iew Dawki. Ia kitei ki khar Bangladesh la aiti sha ka tnad Dawki Police Station.
Halor katei ka jingjyllei ki khar Bangladesh ha Bakur iew Dawki u President u samla Yoodahunki Shylla u la ong “Ki Khar Bangla ki la long kum ki niut, kiba wan rung kyrthep hapoh kane ka Ri baieit jongngi. Haba leh Business u khar Bangla u dei ban kut ha Bangla hi. Kum kine ki jingjia kiba la dep, kaba la jia ha lad Darrang, iano ngin kynnoh, ngin kynnoh ia u Pulit ne ia u Sengbhalang ne ngin kynnoh ia ka shnong. Hynrei kawei ngi kyntu iaphi ki paradoh para snam hapoh kane ka thaiñ jongngi, ba nangne shakhmat, phim dei ban ailad ia u khar Bangla ban rung hapoh kane ka thaiñ jongngi ” U la bynrap ruh dakaba ong “Kane ka message ki briew napoh riwar Jaiñtia, ba kan long kata ka jingkhih win na bynta ban khynra ia u mynder, kat shaba u don, kat shaba u shong. Katba ka sorkar kam pat pyntreikam iaka ILP hapoh ka jylla jongngi da mangi hi ngin pyntreikam iaka ILP hapoh ka jingialam ka CoMSO”.
Kumta ka Seng ka kyntu jur iaki paidpah ka thaiñ War Jaiñtia baroh kawei ban ia snohkti lang na bynta ka ka im ka iap ka Ri bad ka Jaidbynriew khnang ban lah ban iada dalade ialade na u mynder shisngi.
Ki dei kine ki juh ki kharbangla kiba lute bad pom pynmynsaw ia ki briew jong ngi ha ka Thain War Jaintia, ka sorkar ka lah dei ban leh da kaba tyngeh, khnang ban lait na ki jingeh ba mih hadien