Buhteng ka Supreme Court ia ka mukotduma pynpra iing wah umkhrah

Shillong, 18 Nailur:
Ka Supreme Court ka India ka la kynriah ia ka sngi bishar ia ka mukotduma pynpra iing beain ha shi lynter ka wah Umkhrah ka thain Polo sha ka 30 tarik Nailur.
Ha ka jingshisha, ha ka hukum kaba la pynmih ha ka 14 tarik Nailur, ka Supreme Court ka la buh sngi mynta ka sngi ban shim bishar ia kane ka mukotduma.
Haba pynthikna ia kane, u Secretary ka Meghalaya Urban Deve lopment Authority (MUDA) u Bah E Khar malki u la iathuh ba ka Kashari Supreme Court ka la buhteng ia ka jing bishar shaduh ka 30 tarik mynta u bnai Nailur ia kane ka mukotduma.
“La pynkynriah ia ka jingbishar ia kane ka mukotduma sha ka 30 tarik Nailur”, la ong u Bah Kharmalki bad bynrap, ia mynta ngin ap ban ioh ia ka rai haduh katei ka sngi”.
Ha kajuh ka por, ka Kong Probity Nongpluh kawei na kiba la ujor sha ka Kashari Supreme Court ka la ong ba ki nongiasaid ain, ki la pyntip ba ka Kashari ka la pynsangeh shwa ia ka jingbishar bad la
kynriah sha ka 30 tarik Nailur.
Lah ban kdew ba ka Meghalaya High Court ka la pynmih ia ka hukum ba ka MUDA ka dei ban kyndang naphang ia ki iing ba la tei beain ha shi lynter ka wah umkhrah ha ka 10 tarik Nailur bad ka la bthah ba dei ban pyndep ia kane ka kam hapoh san sngi. Hynrei shwa ia kane, ki briew ba shah ktah, ki la ujor sha ka Kashari Supreme court ha kaba ka la pynsangeh ia kane ka hukum ka High Court.
Ki don haduh 30 ngut ki briew ba la ujor sha ka Supreme Court pyrshah ia ka rai ka Kashari High Court.