Buhteng ka kashari la sngi nyngkong, halor ka iaknieh shuki ha KHADC

Shillong: Ka kashari, ka la pyn kynriah biang ia ka jingshong bishar halor ka mukotduma, jong ka jing ia knieh shuki ha Khasi District Council, haduh ka Lah Sngi U Blei ka ban wan.

Ha ka jingshong bishar mynta ka sngi, kaba la mudui da U bah PN Syiem Chairman ka KHADC bad U Bah Latiplang Kharkongngor, ka la mih ka jingdawa ba dei ban weng noh ia ka hukum jong ka jingthmu ban jied ia u Chairman bad U CEM ba thymmai ha ka Council, namar ba kitei ki ar tylli ki shuki, kim shym la thylli satia haduh mynta bad na ka liang jong u riewsaid jong ka sorkar Jylla, ula pan por na ka kashari, haduh ka Lah Sngi U Blei, ba un rai ia katei ka mat.

Ha katei ka jing ia said mynta ka sngi, ym shym don satia, uba mih khmat na ka ophis jong U Lat, wat la ka mukotduma, ka dei kaba la ai pyrshah ia ka ophis jong U Lat, namar ba u dei uba pynmih ia katei ka hukum ban jied thymmai ia U Chairman bad U CEM bad ban weng ruh ia ka synshar Administrator ha Khasi District Council.