Buh teng ka High Court ia ka mukotduma u CEM ka KHADC 

Shillong, 2 Lber:  
Ka Kashari High Court ka Meghalaya Division Bench, ka la buhteng ia ka jingbishar ia ka mukotduma jong u CEM ka KHADC Bah Adelbert Nongrum uba la kren pyrshah ia ka rai ka Kashari halor ka jingsloit ia ka iktar jong ki Rang bah Shnong.
Haba bishar ia kane ka mukotduma mynta ka sngi Nyngkong, ka kyn hun nongbishar Division Bench kaba kynthup ia u Chief Justice u Uma Nath Singh bad u Justice TNK Singh ki la buh ia ka tarik ban pynlong biang ia ka jingbishar hadien saw taiew.
Hadien ba la iohi ia u CEM ka KHADC uba leit hi dalade sha Kashari, u Chief Justice u la bthah ia u Bah Nongrum ba un leit mih ha ka Kashari.
U nongiasaid ain jong u Bah Nongrum u la ong ba katkum ka jingkhot ka Kashari, u Bah Nongrum u la shah bthah ban leit mih ha ka Kashari  dalade.
 ”Ka jingbishar kaba bud kan long biang hadien saw taiew”la ong u nongiasaid ain u Bah Nongrum.
U Justice SR Sen u la phah ia kane ka mukotduma jong u Bah Nongrum sha ka Division Bench.
U CEM u la kren pyrshah ia ka rai jong ka Kashari ha ka jingialang pyndonburom U Kiang Nangbah.