Shillong: Ki nongialam jong ka Khasi Students Union (KSU), ki la leit buh syntiew mynta ka sngi, ha u mot sah kynmaw jong U bah Bull N Lyngdoh hajan ka Shillong Law College ha Dhankheti, ban kynmaw ia ka lyngkhuh sngi iap ba 24 jong U Bah Bull, uba dei u nongialam barim jong ka KSU.
Kiba leit buh syntiew mynta ka step, ki long U Bah Hamlet Dohling, myntri ka sorkar Jylla, U Bah Donald Thabah General Secretary bad U Bah Lambokstar Marngar, President jong katei ka seng.
Ki nongialam jong ka Union, ha ki jingkren jongki, ki pynkynmaw ia ki mat kiba ka KSU, ka la mait phang ha kitei ki phew snem ba ladep, kiba kynthup ia ka lynti rel, ia ka jingtuid ki mynder bad kumjuh ruh ia ka ishu ILP nalor kiwei pat. Kitei ki nongialam, ki la pynthikna ba kin sa nang buddien nangne shakhmat ban pynurlong ia kitei ki jingdawa ba la rim bah jong kitei ki nongialam jong katei ka Seng.
Ka don ruh ka jingialehkai phutbol phainal, ban kynmaw burom ia U Bah Bull bad kat haduh ba thoh ia kane ka khubor, ka jingialehkai ka dang iaid shakhmat, ha kaba U Bah Cheristhterfield Thangkhiew, nongialam barim ka HNLC ruh u don lang lem bad kiwei de ki nongialam jong ka KSU.