Buh syntiew ka KSU, ia ki dkhot kiba shah siat iap

Jowai, 23 Nailar:
Ka Khasi Student’s Union Jaintia Hills District Unit mynta ka sngi ka la leit ban buh syntiew ia ki arngut ki dkhot ba shitrhem jong ka KSU kiba la shah siat iap haka kti jong ki pulit ha u snem 2000 ha ka 23tarik Nailar.
Kine ki Samla ba shah siat iap ki dei u Samla Dawanbiang Shullai Asst Finance KSU Central Body bad u Samla Rocky Shylla Sports Secretary KSU wahthapbroo Unit.
Ia kane ka jingleit buh syntiew la ialam da u Samla Ohibait Dkhar President KSU JHDU, Samla Nangaibormi Sutnga Finance Secretary KSU JHDU bad kiwei kiwei ki dkhot bad Nongialam ka KSU JHDU.
Iaki syntiew Sah kynmaw la leit buh haka jaka  Buh ia ki shyieng jong ki Samla ha Iongpiah Jowai.
Hakane ka sngi ka Seng ka la pyllong ruh iaka jingsngew jar ba 1 minit kum ka dak ban pynpaw lem iaka jingsngew sih haba kynmaw iaka jingshah siat kine ki dkhot ka Seng.
Lah ban pynkynmaw ba kine ki Samla kila shah siat haki kti jong ki pulit haryngkat u Samla Balajied Dkhar ( Hepkhoit) ubadei u ehrang ka HNLC ha Nongshilliang Nongthymmai dakaba ki pulit kila pharep ba kine ki Samla ruh ki lah ban donkti bad ka Seng HNLC hakata ka por.