Buh mawnongrim U MR, ban tei ia ka surok Pasyih sha Garrampani

Shillong:Myn hynnin ka sngi ka 29 tarik u Kyllalyngkot 2021, u Myntri Rangbah ka Jylla, u Conrad K Sangma u la plie pyrda ia u mawnongrim ban tei ia ka surok Pasyih-Garrampani Road ha ka jingdon lang ryngkat u Symbud Myntri Rangbah ka Jylla, u Bah Prestone Tynsong bad kiwei kiwei ki myntri jong ka Sorkar.

Kane ka surok Pasyih Garrampani Road ka long kawei na ki surok bah kaba sdang na 8mer kaba la pyniasnoh da ka surok Jowai sha Ratacherra Road National Highway Road 6 bad ka ban kut sha Saphai hajan ka khappud jong ka jylla Meghalaya bad Assam. Ka jingjrong jong kane ka surok ka long 47 kilomitar bad ka bynta jong kane ka surok ka long haduh 21 kilomitar haduh 47 kilomitar bad ia ka bai lut bai sep la mang lyngba ka Meghalaya Integrated Transport Project kaba bei tyngka da ka World Bank. Ia ka jinglut jong ka jingtei ia kane ka surok ka long haduh 62.49 klur tyngka ba la aiti sha u Bah Rocky Dhar ban pyntrei ia kane ka surok uba la mihkhmat ia ka JV Dhar Construction Company bad ia ka jingtei ia kane ka surok la buh ban pyndep hapoh ka 42 bnai eiei.