Buh maw nongrim surok ha Mawlai

Shillong, 12 lyngkot:
Ka Dorbar shnong Mawlai iewrynghep ha ka 11tarik mynta u bnai, ka dap da ka jingsngew kmen kaba khraw ha kaba ha kane ka sngi, U Bah PT Sawkmie MDC, u ba long ruh U Vice Chairman ka Meghalaya Resource and Employment Generation Council, ula wan ban buh ia u mawnongrim ban shna ia ka surok iaid kali, namar baroh shi katta ka dei ka lynti iaid kjat.
Ia kane ka skhim la mang T.10lak, kaba dei na ka mang pisa jong ka KHADC. Kane ka surok kan long ka jingkyrkhu kaba khraw ia baroh ki nongshong shnong ka Mawlai iewrynghep, kumjuh ia ki paitbah kiba wan jingiaseng Synod ha u bnai Lber mynta u snem 2017. Kane ka surok ka long ban sah jingkynmaw ba la ioh ha ka por ba long “Synod”.
Na ka liang ki nongkren ha kane ka sngi kaba kynthup naduh U Bah KM Lyngdoh Rangbah shnong, Bah H.War,Secretary Shnong, kong E.Basaiawmoit, President Seng Longkmie, Bah W.Basaiawmoit, President Seng Samla lem u Bah D Lyngwa MCPF. U Bah PT Sawkmie, ha ka jingkren ula pynpaw ia ka jingsngewkmen ban Ioh ban kner ia ka kti jingiarap ia ka Shnong Mawlai Iewrynghep,namar ba ka Synod ha u bnai Lber 2017 kan long ha kane ka shnong.