Buh maw nongrim, ia ka ophis ka jingiaseng Samla Balang Presbyterian Daistong

Shillong: Ka jingiaseng Samla Balang Presbyterian Daistong ka la buh mawnongrim mynhynnin ka sngi, na ka bynta ban shna ia ka ophis, ha ka jingheh kumba 1020 sq. feet bad ka jingthmu ka jingiaseng Samla ban tei ia kane ka ophis 3 mala.

U kongsan, u Ma Bankupar Sutnga, Balang Sutnga bad u symbud kongsan, u ma Chiborlang Wahlang Balang Nongsning, hynrei, naba kim ioh lad ban wan ha ka tei ka program, kumta ki aiti ia ka tei ka kam baroh arngut ha u ma Da O Shwa Sutnga na ka Balang Latyrke ban shim ia ka tei ka bynta.

La pyniaid ia ka jingialang da u Chairman Jingiaseng Samla (JS), ma Shwa Patwet, ha shwa ban sdang ia ka jingialang la ioh jingduwai lyngkot da u Tbn. S. Sukhlian, la ioh ia ka jingkren pdiang ia baroh kiba wan sha kane ka prokram, nangta la ioh ia ka jingkren pynshai ia ka jingthmu ka jingiaseng samla ha ka jingiadei bad ka prokram, da u Tbn. H. Papeng, la ioh ia ka jingkyntu na u Rev. S. Langstang badei Pastor inchare ka District Nongkhlieh, bad la ioh ia ka jingkren lyngkot na u Ma Silbinus Sukhlian, uba ong ba ka ophos, ka long ka badonkam ban ioh la ka jong ka jong na ka bynta ban ioh buh ia ki tiar.

U Ma O Shwa Sutnga, uba shim ia ka bytna u kongsan bad symbud kongsan u kyntu ia ki dkhot bad Samla jong ka Balang ba kum ki Samla ba long ka lawei ha ka imlang sahlang dei ban shimkhia ban ia trei lang bad ki nongkitkam bad ban ia tylli khnang ba kano ka no ka jingangnud kan long ka ba jop bad ia ki nongkit kam dei ban long kiba trei hok ia ka kam ban ioh poi sha ka thong, hadien ba u la kren la ioh ban plie ia u mawnongrim.

Nangta la ioh ban sam ia ki memento sha u kongsan bad ki shah khot sngewbha, da u Rev. S Langstang bad i ma Da O Shwa Sutnga, Rangbah Balang. Hadien kata la ioh ia ka jingkren khublei, da u Secretary Jingiaseng, ma PW Lamare ia baroh ki ba ia poi ai mysiem sha ka prokram.
Shwa ban pynwai ia ka jingialang, u Chairman, u iathuh ba ka balang, ka la ia kut ba kino kino ki seng ne riew shimet ki ba ai sngewbha da ki tiar ne pisa palat ia ka 6000/- shaneng na ka bynta ban tei ia ka ophis, yn buh ia ka kyrteng bad jingai jong ki ha u mot sah jingkymaw jong ka ophis.