Buh jingma, ka surok Shillong Nongstoin, ha Umsohiong

Shillong:Myn hynnin ka sngi ka 24tarik Jylliew, 2021 ka HYC Sohiong Circle hapoh ka jing ïalam u President Samla Purningstar Shabong bad u General Secretary Samla Hamarbamut Thabah, ka la leit ban jurip ïa ka jaka ha jrong surok bah NH Sohillong-Nongstoiñ kaba don ha Umsohiong. Ka Seng ka lap ba katei ka jaka ha kliar u lum kaba don ha jrong jong ka Surok bah, ka la orpait kaba lah ban buh ha ka jingma na ka jingtwa ha kano kano ka por.

Lyngba kane ka kyrwoh, ka Seng ka kyntu ïa ka Sorkar jylla khamtam eh ïa u Minister ba dei peit ïa ka tnad PWD ba un bthah ïa ki ophisar jong ka tnad ba kin leit jurip ïa katei ka jaka, khnang ban lah ban shim ki lad ki lynti ban ïada na ka jingtwa jong u tei u lumbah uba la don mynta ha tmier jong ka jing twa.

Ka kyntu ruh ïa baroh ki paidbah jingleit nongwan ba kin long kiba phikir, haba ki leit ki wan na kane ka surok khamtam eh ha ka por lyiur ne ka ka por ba jur slap khnang ban lait na kino kino ki jing jia ba mynsaw ne ba sngewsih.