Buh jingialang ka komiti u Bah Lapang

Shillong, 12 Jymmang:
Hadien ba la shah takrain ba kam shym la treikam, ka sorkar ka la pynbna ba ka komiti ba la khlieh da u Bah DD La pang ban pynkuip bor ia ki bor shnong, la buh ban pynlong ia kane ka jing ialang ha ka 20 tarik Jymmang.
Ha ka jingpynmih jingpynbna ba ka jing kynnoh ba ka komiti kam treikam kam dei kaba shisha hynrei namar ka jingdonkam kyrkieh, u Chairman ka Committee, u Bah DD Lapang ka la pynlong ia ka jingia syllok bad ki myntri sorkar bad heh sorkar dang shen. Ka sorkar ka la ong ba la bthah ia ki tnad sorkar ba kin lum ia ki jingdonkam bad ban phah jingtip sha ki dkhot ka komiti.
Ka la pynshai ba ka jingialan jong ki nong mihkhmat na ka Garo Hills Autonomous District Council, ki MLA na Garo Hills bad ki riew pawkhmat kaba la long ha Tura ha ka 24 tarik Iaiong, 2015, ki la pan por shuh ia ka Committee ba ki dang donkam ban phah briew shuh ha kane ka komiti bad ka la ioh pdiang ia ki dkhot ba la phah na thain Garo Hills haduh ka 28 tarik Iaiong, 2015.
Ka la kyrpad ia ki paidbah ban tip ba ka komiti kam dei ba shong kli kti hynrei ka la leh ia la kamram halor kane ka kam kaba donkam, la ong kyrwoh na u Under Secretary to the Government of Meghalaya, Political Department