Buh jingdawa ka Nongkrem BCC, na ki heh Sorkar Jylla

Shillong, 7 Nailur:
Ki nongkitkam jong ka Nongkrem Block Congress Committee NBCC, ha ka 7 tarik Sept 2016, ki la ia kynduh ia u Bah Kennedy Khyriem, MLA, President ba thymmai ka East Hills District Congress Committee, (EKHDCC), bad ha shwa kane ki la ia kynduh ruh ia u Bah Prestone Tynsong, Minister DCA, ha ka jingiadon lang u Bah Ronnie V. Lyngdoh, Minister Urban Affairs, ha Secretrait mynta ka sngi, ha kaba ki la ai ia ka jingthoh ban kyrpad ia ki heh jong ka MPCC, ka party, kumjuh ia ki bor Sorkar Jylla bad KHADC kiba la ialam da ka Seng Congress ban shim khia ban bad ia kren halor ka jingeh jong ki paidbah ka Nongkrem Constituency, bad ki la ai katto katne ki jingai jingmut nalor kiwei kiwei ban thaw ki lad ki lynti ban khmih bniah ia ki policy treikam na ka liang ka jingduna ki kam pynroi ha ka PWD, Health, Agriculture, Education, Power, Sports & Youth Affairs, Sports & Youth Affairs, Art & Culture, Tourism, bad Transport.
Ki nongialam ka NBCC, ki dawa ruh ban iarap ban plie ki lad ban pynheh bad ban thaw thymmai ia ki surok na Nongkrem – Mawkynrew sha Jaintia Hills bad na Pynursla – Dawki, ban pynheh na Nongkrem sha Mylliem bah lyngba ka thain Umsaw Pomlakrai na ka bynta ban kyntiew ia ka roi ka par jong ki paidbah kane ka thain.
Ban kyntu ia ka Education Department ban wad ki lad ban buh ia ki residential school ban ioh Seng bad ban buh ia ka College hapoh Nongkrem Constituency ha Smit kaba haduh kine ki sngi kam pat don kano kano ka College kaba don bad ka Hostel (ka jaka sah na ka bynta ki khynnah pule college) haduh kine ki sngi.
Ban kyntu ia ka Sorkar Jylla ban thaw ki lad ban thaw thymmai ia ka Iew Smit ha ryngkat ki jaka ieng Kali kiba biang ha ka jingia syllok lang bad U Paiem Syiem ka Hima Khyrim bad ban kyntu ia ka tnad Department of Health ba kin thaw lad ban pynkiew kyrdan noh ia ka Smit PHC sha ka CHC namar ka jingdawa jong ka por kum shibynta ban kynthup ia ki saw tylli ki PHC naduh Mawkynrew, Jatah, Jongksha, bad Smit kaba kynthup haduh palat 250 tylli ki shnong ba Rit bad ba heh bad kumjuh ban pyntreikam ia ki ba bun ki sub center kynthup ka Mawmuthoh, Laitkor bad kiwei kiwei ki Sub-Center hapoh ka Nongkrem Constituency bad ban buh ia ki jaka buh mar rep ha ka thain Nongkrem na ka bynta ka bit ka biang jong ki Nongkrem.