Buaid u pulit, tynrah ia ka auto trok

Nongstoin, 5 Nailar:
Kawei ka kali Gypsy pulit kaba don ia u registration number ML 02 2225, ka la leit ban tynrah ia kawei ka auto trok kaba don ia u number ML 06 2705 katei ka jingjia kala jia hapoh iew jong ka sor Nongstoin ha ka por 9 baje mynta ka miet.
Ia katei ka kali pulit la niah da u wei u pulit langrut u ba la tip kyrteng kum u King Marwein bad haba iakren bad ki nong thoh khubor ki paidbah kiba la sakhi ia katei ka jingjia kila iathuh ba u tei u pulit u ba ka niah ia katei ka kali u la shongshit khawiang haduh ba um lah shuh ban tehlakam ia katei ka kali kaba u niah bad u la leit ban tynrah beit beit ia katei ka auto trok.
Nalor kata u tei u pulit buaid hadien ba u la dep ban tynrah ia katei ka auto trok u dang kren heh pynban la iathuh da ki paidbah ba la sakhi ia katei ka jingjia, bad mar ia ioh jingtip halor ka tei ka jingjia ki bor pulit ka Nongstoin PS kila wan mar mar sha katei ka jaka khnang ban tehlakam ia u paibhur u ba la ialum kum u ngap ha katei ka jaka bad kiba la khluit bha sa tang ban kyrniom naphang ia u tei u pulit buaid.
Ha katei ka jingjia donbok pat ba ym shymla don ba mynsaw, watla kata ki paidbah da ka jingkhluit kila dawa ba dei ban ai da kaba tyngeh ia kum u tei u pulit buaid bad jin da la jia ba tynrah ki kali paidbah ia ki kali pulit khlem da pynslem la rah beit wut wut sha thanad ong ki paidbah kiba lap bad sakhi ia katei ka jingjia.
Na ka liang jong ki pulit, ki la pyrshang ban pynsngewthuh bad pynjai jai ia u paidbhur bad na ka liang jong ki pulit kin sa shim ka rai ban ai jingsneng pyrshah ia u tei u pulit buaid namar u la shu niah ia katei ka kali da ka jain iing kaba mut u khlem don shuh ha ka duty jong u, hadien pat ki bor pulit kila pynkit noh ia u tei u pulit buaid sha Hospital ban leh ia ka Medical test khnang ban lap ia ka jingshisha.