Buaid ka trok, ka kylla ha khongdong, muja ki paidbah ban ia khung bitor kyiad

Nongpoh: Kawei ka trok kit Kyiad kaba mih na 9Mer Baridua, da ka jingthmu ban pynpoi ia katei ka Kyiad sha Shillong, ka la kylla noh ha kawei ka jaka ba long khongdong jong ka surokbah NH-6 bad kaba hap hapoh ka shnong Shangbangla, Ri Bhoi.

Katei ka jingjia ba kylla katei ka trok ka la jia ha ka por 9 baje eiei mynmiet, ha kaba katei ka trok kaba don ia u number AS-01-D-5691 kaba la niah da u Gopal Sharma, ka la kam na shiliang sha shiliang ka surok bad ka sa kylla.

Mar ia tip ba kylla katei ka trok kaba kit Kyiad, ki briew ki la ialeit sha katei ka jaka, ban tam ei ia ka Kyiad kaba la hap na katei ka trok, ha kaba la lah ban tehlakam ia ka jingshim eh ki paidbah, ka dei tad haduh ba la poi ki Pulit ka Nongpoh Police Station, kiba la khanglad ia ki paidbah ba kin shim ia ka Kyiad kaba la hap na katei ka trok kaba la kylla.