Btuit thylliej U Himanta, khot ïa u Amit Shah kum u MRD

Shillong:U MR ka jylla Assam u Himanta Biswa Sarma ha ka wei na ki jingïalang paidbah ha nongbah Guwahati, ha kaba u Myntri ki kam poh ïing ka sorkar India u Amit Shah u la ïa don lang, u la kum bakla khot ïa u Amit Shah kum u Myntri Rangbahduh ka ri India katba ïa u Narendra Modi pat kum u Myntri ka tnad poh ïing.

Hadien ba kane ka video ka la sa phriang na ka liang ka Congress ha ka Twitter jong ka, ka la ther ba kane ka jingkhot u Sarma ïa u Amit Shah kum u Myntri Rangbahduh ka dei kaba u mut khnang da kaba pynkynmaw ïa uwei u MP ka BJP na Assam uba ju khot ïa u Himanta Biswa Sarma kum u Myntri Rangbah ha ka por ba u Sarbananda Sonowal u dang long u Myntri Rangbah ka Assam.

Ka jingkhot u Sarma ïa u Amit Shah ka dei ka ka jingmut ka BJP ban bujli noh ïa u Amit Shah kum u Myntri Rangbahduh ha ka jaka u Narendra Modi ne ka dei ka jingsdang lupa ban kyntiew noh sha ka kyrdan Myntri Rangbahduh ha ka ilekshon ban wan ong ka Congress.