Bthei sngewtriem ka Submarine, iap 18 ngut ha Mumbai

Mumbai,14 Nailar:
Ki shipai um jong ka India ki la mad ia ka jingiakynduh kaba shyr khei ha ka jingim jong ki hakaba kawei ka Sub-marine ka la bthei bad ka la ngam hapoh um mynta ka step nohphai sngi ha kaba 18 ngut ki ba don hapoh kynthup ia lai-ngut ki ophisar ki la iap ei na ka jingkem ding kaba shyrkhei hadien ba la bthei ki ar tylli ki tiar bthei kiba don hapoh ka sub-marine.
Katei ka Sub-marine INS Sindhurak shak, la la bthei khlem kano kano ka jingaidak lypa ia ki shipai h akaba ka jingbthei jong ka ka la long jubor bad la sawa jam palat haduh ba la ioh sngewlut ha baroh kawei ka South Mumbai.
Ki heh ophisar ka tnad shipai um ki la iathuh ba ha katei ka jingbthei ki shipai um kiba don ha katei ka sub-marine kim donlad shuh da kumwei pat ban pyllait im ialade, 18 ngut ki la iap ha katei ka jingjia ong uwei u heh ophisar.
“Ngim lah leh eiei shuh ia katei ka jingduh,” ong u Admiral DK Joshi u heh shipai um haba kren ha ki nongthoh khubor hadien ba u Myntri iada ri u la wan jngoh sha katei ka ktem ki shipai um ha naval dock.
“Ha katei ka jingjia ngim pat lah ban kdew na kano ka daw ba la pynlong iakatei ka sub-marine ban bthei bad kaei ka jingbakla” bynrap biang u Joshi. Ka jingtohkit halor katei ka jingjia la khmih lynti ba yn lah ban pyndep hapoh ka shi bnai.
Kane ka jingjia ka ba la lynshop ia ki shipai um kiba dang don ha ka ki kam jong ki hapoh ka duriaw bah Indian Oceon ka de ka jingjia kaba shyrkhei tam.