Bthei kynsan ka jaka die die ia ki bom pataka ha Nongpoh, kyndit ki nongleit nongwan

Nongpoh: Hynnin ka janmiet ki nongïaid nongïeng hapoh ka sor Nongpoh, ki la kyndit eh na ka jingjia bthei kynsan ki bom pataka ha kawei ka jaka kaba shait die ia ki tiar pynbthei bad kiba la tip kum ki bom bula.

Katei ka jingjia, ka la jia ha ka por 5 baje ei ei janmiet, ha kaba ka jingbthei jong kitei ki tiar pynbthei ban lehkmen ha kino kino ki jinglehkmen, ka la jia hapoh kawei ka Kali Maruti Van, kaba la btei na ka jingbakla ha ka por ba pyrshang ban thang ia u bom bula bad katei ka jingbthei, ka la lang ruh sha kiwei kiwei ki bom kaba mih ka jingbthei bad ka jingsawa kaba jur.