Bthei ka liengsuin bad 54ngut

Papua province,
Indonesia, 16nailar:
Ka liengsuin jong ka Indonesia kaba kit 54 ngut ki briew ka la bthei ha Oktabe district, Papua mynta ka sngi hadien ba katei ka liengsuin kam lah hiar madan shuh namar ka jingdum palat ka suin bneng, ong ka tnad ka kit ka bah jong katei ka ri.
Ki nongshong shnong jong ka Okbape ki la iathuh ha ki bor ba dei peit ba ki la iohi ba katei ka liengsuin ka la tyng khuh ha u lumbah bad ka la bthei, ki bor ai jingia rap ki la her bak sha katei ka jaka mynta hi ka sngi bad kin sdang ban wad briew lashai dang step.
Ka Trigana Air Service ka la mih na ka nongbah jong ka Papua’s provincial ka Jayapura ban leit sha kawei ka sor ha Papua ka Oksibil, hynrei katei ka liengsuin kam shym la ioh ia kren shuh ia ka kad ba ka dei ban hiar ha Oksibil ,ongu nongai ktien ka tnad ka kit ka bah u Julius Barata.
Katei ka liengsuin ka kit 49 ngut ki nongleit nongwan bad 5 ngut ki nongtrei hapoh katei ka liengsuin, ka dei ka liangsuin kaba la ai kyrteng kum ka ATR42-300, ka jingthmu ba katei ka liengsuin kan iaid lynti la mang tang 42 minit. Ki briew kiba don hapoh katei ka liangsuin ki kynthup ruh ia 5 ngut ki khynnah rit bad 3 ngut ki khyllung ba dang kha.
Ha ka por ba jia katei ka jingjia la ong ba ha Oksibil kaba jngai kumba 280 km na Jayapura ka la don ka jingjur slap, ka jingkhie eriong bad ka jingrben lyoh bad shuwa ba kan bthei la ong ba ki bor na kad liengsuin kim shym la ioh ia kren shuh bad nongniah ia katei ka liangsuin. Ka jaka ba bthei katei ka liengsuin ka jngai sa tang kumba 24km na kad liangsuin ka Oksibil.
La ong ba katei ka jaka ka dei ruh kaba la ju jia teng ki jingbthei liengsuin ha kip or ba mynshuwa bad la ong ba ym ju lap shuh ia ki liengsuin kiba la bthei mynshuwa namar ka dei ka jaka ba don riat don ram bad ki khlaw kiba rben.