Bthei bom ha ka jaka iathoh, iap 63ngut ha Afghanistan

Kabul: 63 ngut ki la iap ei bad sa 182ngut ki la mynsaw, na ka jingbthei bom, kaba la jia ha kawei ka jing ia thoh shongkurim, ha ka nongbah Kabul, ong ka khubor mynta ka sngi.

“Na pdeng kit kiba mynsaw, ki don ki kynthei bad ki khynnah rit ruh” ong U Nasrat Rahimi, nongkren jong ka tnat kam poh iing ka sorkar Afghanistan, haba kren halor katei ka jingjia, kaba la jia hynnin ka miet, ha ka nongbah Kabul.

Katei ka jingbthei bom, ka dei ha ka por 10.40 baje mynmiet ha ka por jong ka Kabul. U Nasrat, u pyni ruh ia ki met jong ki briew, kiba thiah ha madan, na ka daw jong ka jingiap bad jing mynsaw, na katei ka jingbthei bom, ha ka kamra ia bam ia dih jong katei ka jingiathoh shong kurim.