100ngut ki briew, ki la shu iap ei mynta ka sngi, na ka jingbthei bom, kaba la jia ha ki bynta ba shatei jong ka Afghanistan, da kaba thmu ban hiar thma ia ki Shiite Muslim.
U nongkren jong ka sorkar ki ehrang Taliban, ha Afghanistan, u iathuh ba ka don ka jingbthei bom kaba jur bha ha Khan Abad district jong ka Bandar, kaba don ha ka jylla Kunduz, ha kaba shibun ki ehrang Taliban, ruh, ki la shah pyniap ei, ha katei ka jingjia, ong U Zabihullah Muhajid.
Ki nongshong shnong ka Kunduz, ki kam ba ka jingbthei, ka jia ha ka iingmane ki Shiite muslim, mynta ka sngi pynlong jing duwai jong kitei ki riew niam Muslim.
La pyni ia ki dur, ha kaba ki met iap, ki la shu sa tah kylleng jong katei ka jaka ba don ka jingbthei bad la iohi ruh ba ki don sa kiwei pat kiba dang ia phet rieh ialade, hadien jong katei ka jingbthei kaba jubor bha bad kitei ki kynthup ia ki kynthei bad ki khynnah ruh kumjuh.
Phi don ban ong eiei?