Bthei bom ha Guwahati, suba ba dei u pataka

Shillong, 6 Nohprah:
Ar tylli ki bom kiba tlot bor ki la bthei ha Fancy Bazar kaba don ha nongbah Guwahati ha ka sngi saitjaiñ, ha katei ka jingjia san ngut ki briew kynthup ar ngut ki khynnah rit ki la mynsaw, hynrei haduh mynta ki pulit ka nongbah Guwahati kim pat lah ban pynthikna la u dei uba bthei u dei u bom shisha ne u dei u pataka. U Commissioner of Police, Guwahati, u Mukesh Agarwal u la ong ba katei ka jingbthei ka la bthei hapoh ka jaka theh niut ,ha ka por ba iwei i khynnah i la leit wad jingwad napoh jaka theh niut u la ong ba u suba jur ba dei u bom pataka hynrei haduh mynta u la ong ba dang ap ia ka Forensic Ripod bad hadien kata lah ban pynthikna .Hynrei ki paidbah katei ka nongbah kila khuslai mynsiem naba ki la suba jur ba dei ki kam ka ULFA ,la ong ruh ba ki tnad syntiat ka Assam kila ioh jingtip ha kine ki sngi ba ka la don ka jingthmu ka ULFA ban hiar thma pyrshah ia ki briew kiba kren da ka ktien Hindi ha katei ka jylla.