Bthah U Chief Justice ba ki kmie ki kmie ki kpa kin beit bha ia la ki khun

Shillong: Ka “The Juvenile Justice (Care and Protection of Children) Act” la pynlong ia ka jingialang ka ba shisngi da ka Meghalaya State Judicial Academy hynnin ka sngi ha Conference Hall, ka High Court ka Meghalaya, Shillong.

            Ha kane ka jingialang U Justice Mohammad Yaqoob Mir, Chief Justice, High Court ka Meghalaya, ba dei ruh u Patron-in- Chief, Meghalaya State Judicial Academy la long kum u Kongsan ha katei ka sngi ha ka jingia donlang ruh u Justice H. S. Thangkhiew Judge, High Court ka Meghalaya, Judge in Charge, Meghalaya State Judicial Academy, B. Mawrie, Register General, High Court of Meghalaya, M. B. Challam, Director, Meghalaya State Judicial Academy, M. Kharkongor, Chairperson, State Commission for Protection of Child Rights bad kiwei kiwei.

Ha katei ka sngi kum u Kongsan u Chief Justice, Mohammad Yaqoob Mir u la pynpaw ba ki khynnah (juvenile) ki dei ka lawei jong ka ri bad lada ngi lah ban hikai ia ki khynnah naduh ka por kaba ki dang rit, kine ki khynnah kiba dang san kin lah ban wanrah ia ka jingkylla ha ka imlang ka sah lang.

         U la ong ruh ba ka jinglong ki khynnah ka shong eh ha ka jaka ba la pynsan pynrangbah ia ki bad u Chief Justice, u la kyntu ruh ia ki kmie ki kpa ba ki dei ban peit bha ia ka jingsniew ki khun jong ki bad kumjuh ia ka rukom long jong ki khynnah.

Ha katei ka jingialang la wan ia shim bynta ruh da ki dkhot ka Juvenile Justice Board, Police Officers, Doctors, Judicial Officers, District Child Protection Officers, Counsellors observation home bad kiwei kiwei.

Ha katei ka sngi ki riew shem phang ba la ai jingkren ki kynthup ia ka Kong  M. Kharkongor, Chairperson, State Commission for Protection of Child Rights, Miguel Queah, Executive Director, Utsah, Surendra Kumar, IGP, CID Assam Police bad Bandarisha Kharlukhi, JMFC.

Ha kane ka sngi la iakren ruh shaphang ka hok ba dei ban ioh ki hep rit kata ka ‘Care and Protection of Children) Act, 2015” ba kynthup ruh ia ka Juvenile Justice Act of 2015 bad General Principles under UNCRC bad Fundamental Principles under Section 3, Juvenile Justice Act, Role of Police in Juvenile Justice bad kiwei kiwei.