Bthah KHADC ia ki Hima, ban long kiba peit ngor ia kiba i shan khmat ha Shnong

Shillong: U bah Teinwell Dkhar Chief Executive Member (CEM) jong ka KHADC, u la iathuh ba ka ophis mynta ka sngi ka la phah ia ka jingpyntip sha baroh ki Hima, ki Sordar, ki nongpyniaid shnong ba kin long ki ba peitngor lada ki don kino kino ki briew kiba i shan khmat kiba wan ha shnong ha thaw ki dei ban pyntip sha ki Rangbah shnong, ki Syiem, Sordar kumjuh sha ki pulit.

Na ka liang jong ki District Council, ka KHADC, JHADC bad GHADC ki la leit ia kynduh la ar sien ia ka sorkar jylla ban ia kren halor ka jingkwah jong ka sorkar pdeng ban pynkylla ia ka Sixth Schedule bad na ka liang jing u myntri rangbah ka jylla u la shim khia ia kane.

Na ka liang jong u bah Pyniaidsing Syiem Deputy CEM jong ka KHADC, u la ong ba kane ka EC hapoh ka jingialam jong u bah Teinwell Dkhar kam shym la shongkli kti halor ki mat kiba ktah ia ka jait bynriew.