Shillong: U Symbud myntri rangbah ka jylla u Prestone Tynsong mynta ka sngi, u iathuh ba na ka liang ka sorkar jylla ka la bthah ia ka Deputy Commissioner jong ka East Khasi Hills District ban ujor da ka ejahar ia ki 41 ngut kiba la leit ban shim bynta ha ka jingkhawai iathoh shong kurim ha Greenwood Resort,Khanapara Assam.
Haba iakren bad ki lad pathai khubor na ka liang u bah Prestone, u la iathuh ba ka jingbthah jong ka sorkar ban ujor da ka ejahar ia kine ki 41 ngut kiba kynthup ia ki nongiathoh shongkurim, ka long hadien ka jingtohkit kaba bniah halor ka jing ioh jingbit jong ki ban leit ban shim bynta ha ka jingkhawai iathoh shong kurim kaba la long ha ka 27 tarik u Jylliew 2020 ha Greenwood Resort kaba don ha Khanapara,Assam.
U bah Prestone u la iathuh ruh ba ia kine ki 41 ngut la lap ruh ba ki la pynkhein ia ka kyndon jong ka koit ka khiah, ha ka ba ki la iaid lait na ki testing Center bad ba ki khlem shong quarantine mar sien wan na Assam, hynrei ki la pynlong ruh ia ka jingkhawai kaba rit ha jaka ba ki sah.
Kum ban shu pynkynmaw ki 41 ngut, ki la leit ban shim bynta ha ka jingkhawai iathoh shong kurim ka ba la long ha Greenwood Resort Khanapara,Assam ha ka 27 tarik u jylliew 2020 bad na kine ki 41 ngut 2 ngut ki briew la test Covid positive bad haduh 62 ngut ki dei ki highrisk contact.
Phi don ban ong eiei?