Shillong:Ka Sorkar Jylla ka la bthah ïa baroh ki trai ïing bad ki Nongshongwai jong ki 7 tylli ki Shnong ka Nongbah Shillong, ba kin pynrung kyrteng noh ïalade hapoh ka Megha laya Residents Safety and Security Act, 2016 (MRSSA).
Kine ki 7 tylli ki shnong ki dei ka Nongrim Hills, Pohkseh, Nongrah, Nongmensong, Lapalang, Riat Laban bad Wah dienglieng.
Katkum ka kyrwoh ba la pyllait da ka Sorkar, la ong ba kine ki Shnong ki dei kiba la jied ha ka kylla ba nyngkong, ha ka jingpyntreikam ïa ka MRRSA, 2016 hapoh ka Jylla.
Ka Sorkar Jylla ka la wanrah bad pyntreikam ïa ka Meghalaya Residents Safety and Security Act, 2016 da ka jingthmu ban pynthikna ha kaban pynkhlaiñ ïa ki lad jingïada bad jingshngaiñ jong ki nongshong shnong ka Jylla lyngba ka jingbishar bniah ïa ki nongshongwai kiba sah hapoh ka Jylla.
Ka ong ba ka jingpyntreikam ïa kane ka Aiñ kan khanglad ïa ki riew runar/bymman ba kin ïoh jaka rieh hapoh ka Jylla bad ka ban tehlakam ruh ïa ka jingwan rung ki poiwir ne ki mynder ba rung beaiñ, kiba lah ban wan rung bad buhai shnong ha ki shnong bapher bapher.
Ka Sorkar ha ryngkat ka jingïatreilang bad ka NIC, Meghalaya, kala pyllait ïa ka online application ha ka 8/09/2022 kaban ailad ïa ki nongshong shnong ki trai ïing/nongshongwai, ba kin pynrung kyrteng ïalade ryngkat ki jingpynshisha na ki bor shnong.
La bthah ba ki trai ïing/nongshongwai kiba sah ha kine ki 7 tylli ki Shnong ba kin hap ban pynrung kyrteng ïalade ha ka application vide URL https://megrssa.nic.in kaba lah ban ïoh na ki PC, Laptop, Tablet bad Smart Phone.
Ki kot ki sla ba donkam bad ki jingtip ba bniah lah ruh ban ïoh na ka Ophis ka Deputy Commissioner ka East Khasi Hills Shillong bad ki Rangbah Shnong.
Ngam da tip than iakane tangba haba nga pule ka pyn pyrkhat ia nga kumno ka sorkar ka ong baniada na ki poi wier ha ki shnong,katba man ka sngi ka dang ai lad iaki ban kin wan sha jylla jong ngi,