Bteng ka jingthep kyrteng ha ki lai tylli ki konstitwensi

Nongstoiñ, 24 Naiwieng:
Ki kyrtong ki ban iakhun ia ka election shiteng samoi sha ka KHADC, na ki lai tylli ki konstitwensi ka West Khasi Hills District, ki la bteng ia ka jingleit ban thep kyrteng bad ha ka sngi palei jong ka taiew haduh lai ngut ki kyrtong na kitei ki konstitwensi kila pyndep ia ka jingthep kyrteng ha khmat ki Returning Officer.
Ki tei ki lai kyrtong ki kynthup ia u kyrtong ka party HSPDP na Pariong Mawthadraishan Constituency u bah Blanstar Warjri, bad u kyrtong ka party UDP na ka Mairang Constituency u bah Equator Nongrem ha kaba kila leit ban thep kyrteng ha Mairang Civil Sub Division bad bam smai ruh ha khmat ka kong F.Lakiang SDO Civil kum ka Returning Officer .
Katba u wei pat u dei u kyrtong ka Congress na Rambrai Jyrngam Constituency u bah Kimfa Marbanniang u ba la leit ban pyndep ia ka jingthep kyrteng ha khmat u Returning Officer bah P.D.Sangma Additional Commissioner ka WKH, Nongstoin.