Bteng ka jingshalan dewiong tuh

Jowai, 6 Nailur:
Ka jingshalan tuh ia u dewiong na ri lum Jaintia da kaba pynkhein ia ki kyndon ka NGT, ka dang iaibteng jan man la ka sngi. Mynta ka sngi, ki pulit ka WJH ki la ioh ban kurup biang sa kawei ka trok kaba kit dewiong ban shallan sha Beltola Assam.
Katei ka trok kaba don ia u No. ML04C-0832 kaba niah da u trai hi, u ma Arki Sungoh na Nangbah uba dei ruh u trai jong utei u dewiong ba la shah kurup. Ki pulit ki la kem ia utei u ma Arki ha ryngkat u nongbud jong u, u Bawanmi DKhar na ka shnong Niriang. Ki pulit ki la pynngat ia kitei hapoh ka kyndon pynkhein ia ka hukum jong ka NGT.