Bteng ka jingiakhun jong ka U-23 men’s Col CK Nayudu Trophy, da ka jinglamkhmat ka Meghalaya

Shillong:Ha ka sngi ba ar jong ka lympung U-23 men’s Col CK Nayudu Trophy, ka Meghalaya kaba la i-jan duh jingkyr men, ka la ioh mynsiem biang sa shisien ha kane ka jingiakhun pyrshah ia ka Arunachal Pradesh hadien ba u Swastic Chettri u la lah ban kamai 95 run hynnin ka sngi ha madan MCA, Polo.

Hynnin ka sngi, ka Arunachal ka la jan ioh ban lam khmat ia ka jinglehkai, tad haduh ka jinglah jong u Swastic ban kamai 95 bad dang iaineh na ki 136 bol ha ryngkat bad u Manish Sharma uba la kamai 28 run na ki 36 bol, kine shijur la lah ban pynneh ia ka jinglehkai da ka jingianeh paralok kaba 80 run na ka bynta u wic ket uba hynriew. Hadien ba u Manish u la khyllem noh, u Bipin Kumar Ray u la ieng skhem ha ka jing ialeh na ki 35 bol da kaba ioh shuwa tang 2 run hynnin ka sngi. Ha kaba kut jong ka sngi, ka Megha laya ka la ioh ban lam khmat ia ka jinglehkai da 187 run da kaba kamai 208/6.

Ha ka sngi ba ha shuwa, ka Meghalaya ka la shah pynkut noh ha ka jingkamai kaba 203 da kaba liem lut baroh ki nongtied, katba ka Aruna chal ka la jubab shuwa 101/2 ha kaba kut jong katei ka sngi. Ha ka step kaba hynnin pat, ka Arunachal ka la lah ban tied bha da ka jingtied bha jong u Amarjeet Sharma 78 run bad u Nabam Kama 35 run.
Hynrei katba nang iaid ka jinglehkai kane ka kynhun ka la hiar noh ha ka rukom kamai hadien ba u Abhishek Kumar u la pyllait da ki bol kiba eh bad kumne la iohi ba tang ha ki 13 over u Abhishek u la ioh ban pynkhyllem da 5/41 haduh kaba kut jong ka sngi. Watla katta, ka Arunachal ka la ioh ban lamkhmat ha ka inning kaba nyngkong kaba da tang 21 run hadien ba ka shah pynkut noh ha ka jingkamai kaba 224. Kiwei pat kiba la ioh ban shim wicket ki kynthup ia u Bipin (3/46 ha ki 15.4 over), Su dhir Sa hani (1/37 ha ki 8 over) bad u Manish (1/47 22 over).

U Mrinal Das kumba u leh ha ka inning kaba nyngkong, hynnin ruh u la ioh ban thlieh boundary ha ka bol kaba nyngkong. Ha shuwa ba un khyllem ha ka bol jong u Techi Dol, u la ioh ban thlieh saw tylli ki 4 bad ar tylli ki 6 da kaba kamai 35 na ki 21 bol. Ha shwa ban shong thait, ka Aruna chal ka la lah ban pynkut ia ka jing kamai jong ka Meghalaya da 100/5. Hynrei tang mar ia sdang biang ka jing lehkai, u Swastic bad u Manish ki la khyllie ia ka jing kamai jong ka kynhun ha duh shuwa ban pynkut ia ka jinglehkai hynnin ka sngi.