Bteng ka jingiakhun hapdeng ka Meghalaya bad Manipur ha ka lympung U-23 men’s Col CK Nayudu Trophy

Shillong:Ha ka sngi kaba ar jong ka lympung U-23 men’s Col CK Nayudu Trophy, ka Meghalaya ka la ialehkai bha ha kaba tied bad kaba kawang bol pyrshah ia ka Manipur ba la ialeh ha Surat.

Ka Manipur kaba la jop ia ka toss ha ka sngi ba ha shuwa, ka la jied ban tied nyngkong hynrei ka la shah pynkut noh ha ka jingkamai kaba 257 run ha ki 121.5 over. Ha katei ka kylla, u Manish Sharma u dei uba la ioh ban pynkhyllem bun ngut ki wicket kata da 6/50 ha ki 30 over.

Ha kaba kut jong ka jinglehkai hynnin ka sngi pat, ka Meghalaya ka la kot shuwa ka jingkamai da 230/4 ha ki 59 over bad buddien sa 27 run. Lai ngut ki nonghtied jong ka ki la ioh ban kot sha ka half century kiba kynthup ia u Nishanta Chakraborty (66 run na ki 62 bol), Aman Kumar (65 run na ki 141 bol) bad u captain Kevin Christopher (57 run bad dang iaineh na ki 90 bol).

U Nishanta uba la ioh ban thlieh 11 tylli ki 4 bad kawei ka 6, ha ryngkat bad u Aman ki la lah ban ia kamai 91 run na ka bynta u wicket uba ar. Ha ka jingbteng ia ka jingleh kai mynta ka sngi pat, u Kevin un ialeh ban lam khmat noh ia ka jinglehkai ha shuwa ba un thmu ban ther sha ka century. Da kumne ma u, bad u Joy deepan Deb kin ia pyr shang ban ianeh paralok ha kaba u Deb u dang ioh dang 27 run na ki 53 bol
Ha kaba nyngkong duh, ka jingtied bol jong ka Manipur ha ka inning kaba nyngkong ka la neh slem da ar sngi kynthih ha kaba la iohi ba ka lah ban kamai tang 2 run ha kawei ka over. Uba la tied kham bha na ka kynhun jong ka u dei u nongtied uba hakhmat duh ha kaba u la ioh ban kamai 102 run na ki 329 bol, kata u la pynlut kumba 103.5 tylli ki over. Hadien jong u, u Suresh Singh u la ioh 39 run, hynrei hadien ka jingkhyllem noh jong u ha ka bol jong u Manish, la iohi ba ka Manipur ka la hap stet ki nongtied jong ka haduh ka jingkamai kaba 134/6.

Hynrei da ka jingwan mih madan u Kiran Laishram uba la kamai 65 bad dang iaineh na ki 193 bol, ka la lah ban pynianeh paralok ia u nongtied uba hynniew jong ka da 93 run bad da kumne ka Manipur ka la lah ban kot sha katei ka jingbuh thong. Ha ki 36 over u Manish u la ioh ban pynkhyllem 6/50 katba u Abhishek Kumar u la ioh 3/44 ha ki 28 over.