Bteng ka jingbishar ia ka sia lieh, sha ka saw sngi kynthih

Shillong, 24 Jymmang:
Ka ïing Kashari High Court kan bteng ia ka jingbishar ia ka mukot-duma jyrsieh thungkam Nonghikai LP skul sha ka saw sngi lynter.
Hynne ka dei ka jingbishar ka sngi balai bad kan bteng ia ka jingbishar lashai ka sngi kaban long saw sngi lynter pud sngi.
Ha ka jingshisha u nongiasaid ain ka sorkar jylla u BK Tobidi u la pan por ban pynsangeh ia kane ka kam hynrei na ka liang ka kynhun bishar kim shym la pdiang satia bad ka la pynmih hukum ba dei ban bteng biang ia Kane ka kam lashai ka sngi ruh. Ka kynhun nongbishar ka la pynsngew ba kane ka kam ka dei kaba khia bha bad ka donkam ban poi sha kaba kut jong ka jingbishar hok.
Kham mynshwa, ka kashari High Court ka la pan lut baroh ki kaiphod kynthup kakaiphod jong ka CBI, ka kaiphod jong ka High Level Scrutiny Committee bad ki mark ba ioh ki kandidet ba ialeh ia ka kam Nonghikai LP skul kaba dei jong u snem 2009-10.