Bret u nong leh komik, da ki tyngka pliah na khlieh U Blatter

U President ka FIFA, ula shah pynlehrain jur mynta ka sngi, ha kaba uwei na ki nongleh ko mik, ula bret ia shi sbuk ka pisa ha ka khlieh jong u, katba U Blatter, u dang kren ha ki nongthoh khubor ha Zurich mynta ka sngi.
Utei u nongleh komik, U Simon Brod kin, uba dei u nong England, ula bret ia katei ka song pisa thok, kaba dei kum ka dollar bad u da ong ruh ia U Blatter “Kane ka dei na bynta ka North Korea 2026”.
Hadien kata, u kren sa sha ki nongthoh khu bor, katba U Blatter, u dang wad ia ki pulit pahara jongu, ba kin rah noh ia U Simon, na katei ka jaka. U Blatter, u iathuh, ba ula rai ban nym ialeh elekshon shuh, kum U President ka FIFA, namar ba ula dep iehnoh ia katei ka kam kham mynshwa.
Ha shwa ban tan ia U Brodkin, na katei ka jaka, ula da dep kawang ia ar song ka pisa na khlieh jong U Sepp Blatter, kaba la tap lut da ka kot tyngka, ha ka met jong U Blatter.
Ka don ka jingkynnoh kaba jur, ia ka jingtreikam jong ki nongialam ka FIFA, ha kaba jied ia ki Ri, kiba dei ban pdiang sngewbha ia ka jingialehkai World Cup, kaba kynthup ia ka jingialehkai 2018 bad 2022.