Bret niut pathar ka Jowai Municipal ha surok Amlarem: WJYC

Shillong, 02 Risaw:
Ka War Jaintia Youth Council (WJYC) ka pynpaw ia ka jingbynniaw jur halor ka jingbret niut pathar jong ka Municipal ha ka surok Amlarem shaduh  Jowai,kane ka jingbret patar ia ki nuit ba la lum napoh sor Jowai da ka Municipal ka ktah jur ia ka koit ka khiah jong ki   paidbah nongshong kali.
Ka seng ka la ong ba ki nongiaid lynti na une u surok ki la sngew salia hi sat namar ka jingleh bym patiaw kane ka tnad ka pyni ia ka jingbym niewkor shuh ia kiwei pat ki para briew, bad ia ka jinglong kyntang ka mariang bad ka pynlehrain ruh ia ka burom jong ka District .
Ka la ong ba  ka sorkar na ka por sha ka por ka juh pynbna ban wanrah ia ka khuid ka suba hapoh ki shnong, ki jylla bad ka Ri hi baroh kawei.
Ka  WJYC ka kyntu jur ia ka tnad Municipal jong ka Jowai  ba kan shimkhia ban pynkynriah mardor ia kine ki ñiut sha jngai khnang ban lait na ki jingsma ia ki nongshong kali bad ba kan ym wanrah ia ki jingpang ba bun jait lyngba ki lyer jakhlia kiba mih na kine ki ñiut. Ka Council ka kyrpad ruh ia kane ka tnad ba kan sngewbha ban shna pynbha ia kane ka jaka theh ñiut kat kum ka juk mynta khnang ba ka jingsma jong kine ki ñiut kan ym mih shuh.
Ia kane ka kyrwoh la pyllait paitbah da u Ailad Surong Asst. Genl. Secretary ka W.J.Y.C. Amlarem.