Bret mit mit na kali bym ithuh

Shillong,2 Naitung:
Ka surok 7 mer Upper Shillong ka la shlei da ki mit mit ha manla ki rud surok bad ia kitei ki mit mit la shu bret napoh kawei ka kali ka bym shym la ithuh, bad don ruh katto katne ngut ki khynnah kiba la ia tam ia kitei ki mit mit hynrei dang bun pat kiba dang sah ha surok namarba ki rangbah ki la mai ia ki khynnah ban tam da kaba ong ba ioh lehse u dei pynban uba sniew.
Katkum ka jingiathuh ki riew paidbah kiba la ia don harud surok ki la ong ba ym shym la iathuh satia ia ki briew kiba don ha katei ka kali kaba la bret mit mit bad ki la iathuh ruh ba katei ka kali ka shu wan tang harum 7 mer bad ka phai dien noh hadien ba la bret ia kitei ki mit mit. Katei ka kali ka la wan bret mit mit ka la poi ha katei ka jaka ha ka por kumba 1:30 ne 2:00 janmiet iathuh kiba la iohi ia kane ka jingjia.
Bun na ki riew paidbah ki la pyntieng ia ki khynnah rit ban tam ia kitei ki mit mit ioh lehse ki dei kiba la shu bret da ki briew kiba sniew ha kaba k la kynnoh ruh ba kane ka dei ka jingleh khyllah, hynrei don pat ki khynnah rit kiba bam ia kitei ki mit mit ha kaba ki la iathuh ba kam lei lei ki long hi kum kiba thied na dukan.